Welcome na mi PROME review/artikulo pa e aña 2016! Den e review aki nos ta ban tira un bista riba DIGICEL Curacao su "internet pa KAS" ku nan ta ofresiendo.


E pakete ku ami a sign-up pe ta lo sigiente ;

Un speed di 20 MB/s i e montante pa paga ta 88,- Florin pa luna. (Mi mester a warda 2/dos siman pa un tekniko a bin instale pami na kas) i keremi e dos siman nan ey a pasa HOPI SLOW mes! Pero laga nos ban tira un bista riba e antenna i powerbrick i e router ku ta wordu instala na kas.

Un bista riba e Antenna ku ta wordu pega na kas
E kabel ku ta wordu pasa di e Antenna pa e switcher
Esaki te adapter/powerbrick ku ta konekta ne Antenna i e Router/Modem ku bo ta haña
Ne parti ariba nos por a mira kon nos Antenna ta i kon e ta wordu konekta ku e router/modem, ne sigiente parti nos ta ban wak kon nos router/modem ta;

Un bista riba e modem ku ta di "Cambium Networks"
Parti dilanti di e router/modem, simpel
Un bista riba e port(nan) parti patras di e router, p.e. ; WAN port, USB media input, Lan ect.
Un bista mas di aserka di e port(nan)
Aki nos a koneka i sende e router/modem, tur lus ta BERDE dus tur konekshon ta KLA pa wordu husa!
Awor ku nos a wak kon nos router/modem ta di tur manera, laga nos ban set-up nos SID (WiFi name) i pone un password mas fasil pa nos keda korda!

*LO MI MUSTRA KON TA HASI ESAKI NA UN POST/ARTIKULO APART, KU LO TA STAP PA STAP!*

Pa awoki laga nos wak kon ta haña akseso na e router/modem su sistema pa konfigure.

*TA SUMA MENTE "IMPORTANTE" PA "NO" MISHI KU NINGUN SETTINGS SI BO NO SA KIKO NAN TA HASI!*

Riba nos Windows PC/Laptop nos ta konekta ku nos router i nos ta habri "CMD" i nos ta type "ipconfig" i despues na kaminda nos ta mira "default Gateway" nos ta jena e sigiente IP address ku ta sali p.e. ; 192.168.11.1 esun DIBO por varia pero lo ta paresido. Awor nos lo mira ku nos mester jena "username i password" nos ta jena e palabra USER na tur dos kaminda i primi ENTER! 

Nos lo mira un screen paresido ku e photo parti ariba aparese.

*KEDA PENDIENTE PA UN ARTIKULO/POST APART KU MAS DETAYES STAP PA STAP!*

Awor ku nos modem/router ta kla, laga nos konekte i test nos speed ;

Un bista riba e speed ku mi ta hañando
*SPEED DI KONEKSHON TA VARIA BASTANTE DURANTE DIA, I DEPENDE BO BARIO SU COVERAGE.*

Lo mi sigi test e sistema aki SIGUR! I lo mi tene bo so na altura di mi eksperensia ku DIGICEL su internet pa KAS!

 *Lesa mi post/arrikulo di Digicel su 4G improved speeds, pa asina bo haña un idea di e speed*

Esaki ta mi di dos konekshon wireless pa internet kumi tin na kas, mi prome tabata Scarlet su portable WiMax/WiFi modem  *KLIK aki pa lesa mi post/artikulo di Scarlet su portable modem.* 

Un FELIS aña 2016 jena ku bendishon pa ABO ku ta lesando mi blog!
Mi ta spera ku e artikulo aki tabata balioso pabo! Ku bo a haña sufisiente informashon ku bo tabata ke a sa over di Digicel su servisio di internet pa KAS.

I manera semper un DANKI pa a tuma bo tempu i lesa mi blog, SHARE e kubo friends i konosi nan!