Promé ku nos kumisa mi ta duna un splikashon kòrtiku di e sistema Armbian. Armbian ta simplemente un OS (sistema operativo) ku a wòrdu kompilá/build pa funshoná riba vários computer board ku ta mímika e famoso raspberry pi series, por ehèmpel e computer board ku ami ta bai husa pa e post aki ta e model ROC-RK3328-CC di e fabrikante Libre Computer.
E computer board aki ta disponibel na Better Deals (Caracasbaai weg) na na un prijs basta rasonabel.
Si bo ta interesá di wak e unboxing di e computer board aki *klik riba e link aki*
Awor nos ta ban na e FUN PART di e post aki, na momentu ku bo tin bo computer board kla huntu ku bo micro SD card (minimal 32GB) nos ta ban download Armbian vershon 23.8, riba e siguiente link nos por download e sistema aki :
I scroll bai abou te na momentu ku nos mira e sigiente opshon nan pa download :
Nos ta skohe e vershon "CLI", CLI ta nifiká Command Line Interface, dus e sistema aki nos lo bai hasi uso di dje via command prompt of PuTTY, NO sinti bo intimidá paso e proseso lo ta masha fásil mes!
Tambe nos por tuma nota di e palabra "Bookworm" aserka, esaki ta simplemente un codename ku e developers a duna e sistema operativo "Debian 12" ku Armbian ta basa ariba.
Na momentu ku nos klik riba e direct download link, e download ta kumisa :
Na momentu ku e download terminá, nos mester extract e file aki, ami a hasi uso di winrar mes, dus mi ta right klik riba e file i skohe e opshon pa extract here :
I nos por tuma nota ku awor nos tin un file ku a wòrdu di extracted :
Nos sigiente stap awor ta pa download un software ku jama Balena Etcher, ku nos lo husa pa instala e sistema ku nos a download riba nos Micro SD card, pa download Balena Etcher klik aki.
Lo aparesé e sigiente site :
Lo aparesé e sigiente site :
Naturalente nos lo klik na "Download Etcher" i nos ta selektá Etcher for Windows (X86|X64) (INSTALLER) :
****Natural si bo ta besig ta husa un otro sistema operativo ku no ta Windows, bo lo mester download e installer ku ta klop ku bo sistema.****
Awor ku nos download a terminá, nos por open/run e Balena Etcher setup :
****Promé ku nos kontinuá, kòrda konektá bo Micro SD card na bo kòmpiuter/laptop, pa e software por mira esaki.****
Ora e installer screen aparesé nos ta klik riba "I Agree" pa nos por kontinuá, e software lo kumisa instalá :
Na momentu ku e instalashon terminá, e software mes lo habri, i ta kla pa wordu husa :
Nos por klik na e opshon ku ta bisa Flash from file i skohe e sistema ku nos a download i extract anterior :
I awor e opshon di Select target ta wordu di high light pa nos por skohe :
Nos ta selektá nos SD card i klik riba Select 1 :
I automatika mente awor e opshon di "Flash!" ta wòrdu di high light na blou pa nos por selektá esaki :
I e prosedura di Flashing/instalá e sistema riba nos SD card ta kumisa :
Na momentu ku e software terminá ku e flashing/instalashon, e ta verifiká/validate e instalashon :
E proseso nan aki ta wòrdu hasi relativamente lihé, i ora e software terminá nos por mira Flash Completed aparesé :
Awor nos por saka e Micro SD card for di nos kòmpiuter/laptop i nos ta hinka esaki den nos computer board :
Nos ta ban konektá e power cable i nos UTP cable (RJ45 connector) :
Na momentu ku nos computer board sende, nos por mira e dos lus nan kolo berde i kòrá sende :
****Un triki pa bo sa si e sistema ta besig ta boot dus sende normal sin ningun fout, e lus berde ta paga i e lus kòrá ta kumisa flicker (sende paga relativá mente lihé) i tambe na e ethernet connector di e board e lusnan ku ta indiká network connectivity tambe ta kumisa flicker. ****
********************************************
Aworaki nos ta basika mente kla, nos siguinte stap ta pa haña nos computer board su ip address, esaki nos por haña den nos router ku nos tin instala.
****Kada persona lo tin un router diferente, si bo keda pega na e stap aki, sinti bo liber pa tuma kontakto ku mi (WhatsApp 6640384), si bo mester di mas judansa na e parti aki.****
Den mi kaso, aki ta husa un Ubiquity USG gateway, dus den mi UniFi network application bou di e sekshon di Client devices lo mi mira e computer board su ip address aparesé, kual ta 192.168.1.83 i mi a tuma untiki tempu pa modifiká e icon it nòmber tambe di e device :
****E Raspberry Pi ku ta aparesé ta paso mi a skohe un icon di un Raspberry Pi pa e device.****
Awor ku nos tin e ip address di nos computer board, nos por habri command prompt i type e sigiente instrukshonnan :
Dus nos ta SSH ku e username root na e address 192.168.1.83 [ssh root@192.168.1.83] i primi enter, i type "yes" pa nos por konektá :
Awor nos por type mesun instrukshonnan bek, pa nos por login riba e computer board :
Tuma nota ku e ta pidi un password awor, e password ta simplemente e number nan "1234" i primi enter, i mesora e sistema lo pidi nos pa traha un password nobo :
Despues e ta pidi nos pa selektá un system command shell, selektá "zsh" dus primi riba number 2, i awor nos mester traha un usario nobo pa e sistema, den mi kaso mi ta skohe mi nòmber mes i traha un password pa e usario mesora :
Despues e sistema lo pidi pa bo jena bo nòmber pa konfirmá esaki, i tambe e sistema lo detektá bo time zone automatika mente, nos por primi type yes na momentu ku e sistema pidi pa set user language based on your location :
I nos a terminá!! Awor lo ta un bon momentu pa nos logout i login bek ku e usario nobo ku nos a traha riba nos server pa check si tur kos ta besig ta funshoná optimal, pa logout simplemente type
Si tur kos a bai bon, nos mester mira un login screen ku algun information di nos computer board :
Si esei ta e kaso, PABIEN!!! Bo a lansa bo propio computer board online i a logra haña akseso na esaki hasiendo uso di SSH via di su ip adrès.
********************************************
Si esei no ta e kaso, pasa riba e instrukshonnan nan atrobe, òf sinti bo liber pa tuma kontakto ku mi via WhatsApp na 6640384, i lo mi trata na juda bo set bo computer board huntu ku bo.
*******************************************
Un danki na bo, ku a tuma bo tempu pa lesa i siña algu nobo riba mi blog. Sigui kompartí e post aki pa mas persona por siña algu nobo den e area di teknologia!
