Último dia nan tras di lomba nos por mira hopi konmoshon i tambe HOPI lokual ku nos ta jama na ingles "conspiracy theories" ta kore rònt riba media sosial nan, e ta pone mi kòrda ku ta aña pasa den mesun temporada nan aki tur hende tabata loko loko ku 5G ku antèna/tower nan di UTS/Digicel ta manda stralnan maligno pa nos salu/kurpa, e konspirashon ey a bai muri poko poko, pero no a dura masha ku awor nos tin mas konspirashon nan ta kore rònt pa mal informá e persona nan ku no sa mihon, òf ku no por research riba nan mes pa sa e bèrdat. 

Mi no ta kulpa ningun persona paso sierto site i forma ku e konspirashon nan aki ta wòrdu trese ta hopi profeshonal ku e por ta hopi peligroso den e pandemia ku nos ta aden aki. 




Conspiracy theories ta wòrdu trese dilanti dor di un grupo bastante grandi di persona nan ku simplemente dor di nan self ego/egoismo ta preferá di kere i kompartí informashon ku no ta klop i purba kue mas persona posibel den nan grupo dor di ofresé nan supuesta mente e bèrdat skondí of ta duna nan informashon supuesta mente di e famoso "new world order", nos por jama e persona nan aki e "believers" i nan ta purba duna un sinti mentu falsu di seguridat a base di nan konspirashon nan den un persona inosente ku ta spanta kaba di sierto suseso, den e kaso aki di e pandemia di Covid-19 aki.


Tristu ta ku hopi di e conspiracy theories nan aki ta bisa ku e pandemia di Covid-19 aki no ta di bèrdat, ku e virus no ta eksistí mes. Dus tur e persona nan malu den hospital na Kòrsou aki i otro parti nan di mundu ku ta besig ta fayesé pa dia, tambe ta notisia falsu/fake? Come on now!








Pero e tipo di konspirashon nan aki ta suma mente difísil pa nan disparsé kompletu of mihó bisa "imposibel" mes! E mihon manera pa kombatí konspirashon peligroso asinaki ta kumisa na mihon edukashon na skol nan! Simple as that DEN AMI SU BISTA! 






Dus laga nos ta untiki serio awor, NINGUN di e teorianan menshoná aki NO TA BÈRDAT! ÚNIKO kos ku nan ta trese ta pániko innesesario i ta laga sierto persona nan keda sin bakuna i ku posibel chèns ta wòrdu kontagiá ku e virus aki i pase pa otro persona of persona(nan), e persona nan ku a wòrdu kontagiá si lo por por bira malu i terminá te den hospital of pèrdè nan bida paso simplemente bo tabata muchu egoista pa NO aseptá e bèrdat, i keda kere konspirashon nan falsu ku ta kore rònt! 

Aki mi ta laga algun screenshot di sierto di e believers nan aki su pensamentu ;

















Tristu mi sa, kere mi tin HOPI I HOPI mas post nan tristu asinaki!


Mi ke pa bosnan paga hopi tinu/atenshon pa e siguiente dos profile nan di Facebook ku ta gusta share e tipo di informashon nan ku NO ta korekto aki! Block e profile nan aki, plus raporta nan! 








Ami lo no por biba ku e preokupashon ku dor di mi egoismo ku tabata asina haltu pa no preokupá mi kabes ku e pandemia no bisti facemask of no bai bakuna i mi a pasa e virus pa otro persona, I e persona ey si fayesé I hinka henter un famia den dolor i tristesa! A jega momentu pa nos STOP di wak pa nos mes, I kumisa wak pa nos tur! Paso únikamente asina nos lo por logra sali for di e pandemia aki tiki tiki! 


Laga nos ban wak awor, kon un bakuna/vaccine ta funshoná. Mi ta purba splika mas duidelijk i kòrtiku posibel! 






E bakuna ku nos a risibí na Kòrsou aki ta e tipo "mRNA" ku pa kumisa NO ta kontené e virus aktual aden! I tambe mRNA por wòrdu traha HOPI mas lihé ku otro tipo di bakuna nan ku por dura sigur riba 5 aña of mas pa por logra esaki! 





Promé ku nos siguí laga nos ban wak kon nos immune system ta funshoná ora nos bira malu, ora un vírùs logra drenta nos kurpa promé kos ku e virus aki ta hasi ta bai buska un di nos cells pa e pega su mes na esaki, i e ta kumisa inject/hinka su DNA òf RNA den e cell partikular aki! 


E proseso aki ta duna e cell manera un blueprint/code ku e por lesa instrukshon i den e kaso aki e virus ta duna instrukshon pa e cell partikular aki kumisa réplika su mes mesun kos ku e virus ku ta pega na dje aktual. 


Pero nos no mester preokupá, nos kurpa tin su sistema di defensa ku ta ripara ku e cell nan aki no ta original, e sistema aki ta nos "immune system" ku lo ataká proteinanan/vírùs i asta bakteria ku NO ta pertenesé den nos kurpa! E úniko problema ta ku nos immune system ta tarda par di dia pa por kompronde kon e virus ta funshoná pa e por haña un strategia pa por kombatí esaki. Pero tanten ku e ta studia pa kompronde e virus, e virus si ta sigui réplika i sigui hasi nos kurpa mas daño mas lihé posibel. (ku otro palabra bo ta kumisa sinti síntoma nan ku algu no ta bayendo bon ku bo kurpa). 


Ora ku final mente bo immune system logra saka afó kon pa bringa e virus aki, e ta kumisa produsí antibodies pa bringa e virus nan! E antibodies nan aki ta pega nan mes na e cells maligno i ta mata nan mesora! 


Dus aki nos ta mira ku klaramentu nos immune systems ta funshoná SUPER GREAT! PERO e úniko problema ta ku e ta tarda pa siña kon pa kombatí un vírùs nobo ku drenta nos kurpa! Pesei mes nos ta bira malu, miéntras nos ta malu ta paso nos immune system ta besig ta studia un manera pa salba nos kurpa for di e virus ku a drenta. 


DUS AKI mi ke pa nos kompronde DIKON nos ta pasa bakuna/vaccine, ta pa simplemente duna nos sistema imunulohiko e blueprint/code di e DNA of mRNA adelantá pa e siña kon pa kombatí e virus aki SIN KU E VIRUS AKTUAL MESTER TA DEN NOS KURPA! Asina fásil! Nada kompliká nada di rocket science aki!


Ban wak awor untiki mas spesífiko kon e MRNA aki ta funshoná pa e virus di Covid-19 ku ta hopi interesante! Nos por mira potret saka for di microscope kon e virus di Covid-19 ta, nos por mira sierto punta manera sumpiña rondó di e virus aki (ku ta dune un aspekto apart i úniko), e sumpiña nan aki ta laga e virus pega su mes na sierto cells den nos kurpa (ACE2) i infektá e cells nan aki! Lokual a wòrdu hasi pa e virus aki ta pa laga nos mes kurpa produsí e sumpiña nan aki, pa logra esaki sientífiko nan a kue e virus su blueprint dus su RNA i isola e parti di e RNA ku ta prudusi e sumpiña nan, i ora a logra esaki nan a jame mRNA e letter "M" kièrmen messenger dus mensahero, dus e ta un RNA spesial ku por drenta nos kurpa su cell nan i duna nan e blueprint di e virus original su RNA, dus den e kaso aki e blueprint ta kontené instrukshon kon pa e cell di nos kurpa por traha e sumpiña nan di e virus! DUS NO PA TRAHA E VIRUS MES, PERO E SUMPIÑANAN SO! 




AWOR KU E MRNA a duna tur e informashon ey na nos cell ku nos cell nan mes por a traha e virus su sumpiñanan ku éksito i na kantidat grandi, nos sistema imunulohiko ta detektá esaki na su tempu (pero awor nos NO ta bira malu severo miéntras nos sistema imunulohiko tabata buska un manera pa kombatí e sumpiñanan aki), i ta kumisa ataká e sumpiña nan aki. Dus nos sistema imunulohiko ta mata tur e sumpiñanan aki PLUS E TA KIBRA E bakuna mRNA tambe for di den bo kurpa! 






Lokual ta keda den bo kurpa ta solamente B cells of memory cells, ku ta keda patruyá den bo kurpa pa sierto luna nan of aña nan si dado kaso bo bolbe haña e virus nan sa kon kombatí esaki mesora!


Awor mi ke pa nos ban target e konspirashon ku e bakuna tin microchip aden ku ta laga gobièrnu monitor nos 24/7, ku ta kompletamente falsu! E informashon robes aki a kumisa sirkulá rònt for di un video ku tei for di aña 2007 ku ta trata di un video di posiblemente un tracking device ku tabata den fase di test pa inject mucha chikitu ku un microchip ku ta kontené un GPS aden ya si e mucha aki wòrdu di kidnapped (algu ku ta sosodé tur dia na merka mes!) mayornan i autoridat nan konserní por mira i sa presis unda e mucha aki ta! Nos por lesa mas tokante di e idea di e implementashon aki na e sigiente link. *klik AKI!*


Pa nos target e persona nan religioso ku ta kere e bakuna aki ta algu maligno di diabel, ami mes NO ta bai den e detayes nan aki, simplemente paso mi no ta mashá vèrsá den e area aki (ki blog ta a base di teknologia i no artíkulo nan ku ta kubrí tema nan tokante religion) PERO tòg mi ta haña ta suma mente importante pa nos target e konspirashon nan den tur hanchi, paso tur ta mesun peligroso , pesei mi lo link un tremendo video di e iglesia "Center of Hope" kaminda un di e pastor nan lo trese e bèrdat den e area religioso tokante e bakuna aki! *klik AKI pa wak e video!*


I pa e lastu konspirashon ku ta kore riba media sosial ku e bakuna ta hasi kambio na bo DNA tambe ta kompletamente falsu, ora bo haña un injectie di un bakuna estilo RNA, úniko kos ku e ta hasi ta duna bo kurpa ta blueprint/code of instrukshon pa nos kurpa por kompronde mas mihon kon pa kombatí e virus si akaso nos wòrdu pega ku esaki, manera nos a lesa kaba! 






Dus mi ke supliká na tur persona pa PORFABOR STOP di kere den e fantasia nan aki! STOP di kere persona nan ku ta share konspirashon nan sin pia sin kabes i trese pániko i insiguridat den nos komunidat sin tin mester! 


I pa último, ta keda na kada persona si nan ta opta pa bakuná si of no! 


AMI si ta opta pa bakuná! No pa ami so, pero pa tur demas persona nan rondó di mi, mi yunan mi kasa i demas famia i konosí nan ku mi sa tin kontakto ku nan, laga nos stop di pensa riba NOS SO pa un ratu, sinta pensa riba e desishon korekto pa nos por sali for di e krísis aki! 





Si bo ke lesa mi post tokante 5G i su impakto ku esaki tin riba nos kurpa/salu klik riba e sigiente link. *klik AKI pa lesa mi 5G review!*


Un fabor chikitu mi ta pidi na kada persona ku ta lesa e post aki, kompartí esaki ku bo konosí nan! Laga nos keda informá demas persona nan ku e informashon KOREKTO!