Mi no sa ku bo tambe a ripará, pero Bitcoin huntu ku Ethereum ku basta otro moneda digital su balor ta besig ta subi sky-high e delaster dia nan tras di lomba aki! 


Porta bo ke selebrá esaki, i ke bestèl/kumpra algu online? Porta un kadená ku e emblema di bo Cryptocurrency ku a duna bo mas e entrada? 






Mi ta bai mustra bo kon bo por kumpra algu riba Amazon of Ebay husando bo Cryptocurrency, nos ta bai hasi uso di e site ku jama Bitrefill! 


Paga tinu! Ku nos mester husa un VPN pa nos por kumpra un Amazon gift card ku ta U.S. based pa bo por redeem e card! Sòru pa bo tin un shipping address na U.S. p.e. di Cpost of kualke otro kompania ku ta ofresé e servisio di US to Curaçao shipping! 



Ami a husa un VPN app riba mi iPhone (e tabata hopi mas fásil pa ami) 





Riba computer of andriod tambe bo tin ku download un VPN provider ku ta GRÁTIS, no mester paga pa un premium VPN paso ta pa par di minüt so nos ta bai huse ora ku nos ke shop ku Cryptocurrency.



Ora nos terminá ku e VPN ku nos location ta pone na U.S. nos por registrá riba Bitrefill, e proseso ta relativamente FÁSIL! 



Ora nos terminá di registrá nos por skohe un Amazon gift card, e mínimo montante ku bo por kumpra ta 10$ USD! Ku ta super great! Na e sigiente imágen nos por mira ku ami a skohe Ethereum pa e método di pago.



Na momentu ku nos add nos items den nos cart, e momentu dushi pa checkout ta jega! (Mi ta kere ta si bo tin e sèn e ta e momentu dushi) 

Nos por mira e check out screen ku tur e diferente Cryptocurrency ku por wòrdu husa! Asta Dogecoin ku ta besig ta kue fama masha lihé mes online! 




Pero ami ta bai skohe pa Ethereum, i nos lo mira e sigiente screen, awor e proseso aki ta suma mente FÁSIL! 



KU BO SMARTPHONE BO TA HABRI BO CRYPTOCURRENCY WALLET, I BO TA SCAN E BARCODE KU E SITE TA ILUSTRÁ BO!






 I DEN APÉNAS 1 MINÜT (esaki ta dependé kon lihé e blockchain network ta) e site ta risibí e pago/transakshon aki! 

I awor den bo email bo lo resibi bo bon plus bo code pa redeem e gift card riba amazon! Porfabor laga e VPN sende pa asina Amazon tambe por detektá ku bo ta husando un U.S. based location. Ora bo terminá di redeem e code, bo por paga e VPN numa! I disfrutá di e eksperensia pa kumpra loke bo ta desea online! 



Mi ta spera di por a informá bo un un informashon nobo i balioso! Si esei ta e kaso, porfabor siguí kompartí e ártikulo aki pa mas persona! 

Si algu no ta besig ta klòp, bo por tuma kontakto ku mi via email na dfrancees@gmail.com