Promé ku nos kumisa, laga mi splika kiko ta e funshon di un VPN. VPN ta para pa "virtual private network" dus nos ta traha komo sifuera un tùnel di nos computer board/server pa kualke otro network device ku ta desea pa konektá ku nos server na un manera segura, pafó di nos network lokal.
E tùnel aki ta wòrdu di encrypted dus tur bo aktividat entre bo server i bo client devices ta kompletamente bon protega miéntras nan ta pasa via di e tùnel aki.
E VPN service ku nos lo husa jama Tailscale, klik aki pa subi tailscale su site.
Na momentu ku nos subi tailscale su site, nos ta klik na try for free :
Sign up ku bo email provider, i duna Tailscale akseso/permission si esaki wordu puntra :
Unabes ku bo logra sign up, i login lo bo risibí un welcome page ku lo guiá bo pa add bo promé device :
Klik riba Linux, i ta sali un install script i si nos ta kòrda den e artíkulo anterior part #1, nos a siña kon pa SSH riba nos computer board :
Na momentu ku nos login riba nos computer board, nos por copy and paste e instalation script i primi enter i jena nos password pa e instalashon por start :
Nos lo mira hopi commands ta aparesé, no prekupa ku tur esaki nan :
Na final di e instalashon nos lo mira "installation completed!"
I algun instrukshon pa type e sigiente command [sudo tailscale up], dus nos ta ban hasi esaki :
Sigiente instrukshon ta pa copy i paste e authentication link den bo web browser ku Tailscale a genera pa nos :
I via Tailscale su website nos ta haña e opshon pa klik riba connect, pa konektá nos computer board ku e VPN service, nos lo mira login successful aparesé riba e website i success riba nos command line :
Nos por reload tailscale su website, i nos lo por mira nos machines aparesé, si nos scroll untiki bai abou nos ta mira nos computer board ku nos a kaba di instalá Tailscale ariba :
Tambe nos por tuma nota ku e computer board su ip adrès riba e servisio di tailscale NO ta 192.168.1.83 manera den e post di part #1 , si no 100.91.143.58.
Awor mi ta bai demostrá kon pa instala e Tailscale app riba un smartphone, pa asina nos por konektá riba nos computer board via di nos smartphone, sin ku e smartphone mester ta riba e mesun local network ku e computer board.
Den Play Store, nos por buska Tailscale i instalá esaki riba nos smartphone :
Na momentu ku nos open e Tailscale app riba nos smartphone nos ta mira e sigiente screen aparesé :
Nos ta simplemente klik na get started, i nos ta haña e opshon pa sign in ku Google òf sign in with other, komo ami a husa un hotmail/outlook account pa registrá anterior mi mester skohe e opshon di sign in with other :
I mi ta skohe sign in with Microsoft :
I na momentu ku mi sign in ku éksito, Tailscale lo puntra mi si mi ke connect e device aki :
Natural nos mester klik riba connect :
I asina fásil nos a add nos smartphone tambe riba e Tailscale VPN service.
Na momentu ku nos habri e Tailscale app bek riba nos smartphone, e app lo pidi pa por konfigura un VPN setup, nos ta klik riba ok :
I awor si nos por wak riba tailscale su website i tambe e Tailscale app riba nos smartphone, ku tur dos di nos devices ta registrá riba Tailscale su VPN service.
Awor si nos ke konektá riba e computer board via di SSH ku nos smartphone, nos por download e sigiente app ku jama Mobile SSH :
Na momentu ku nos download i open Mobile SSH, e app su aparensia ta masha simpel :
Na e parti ariba kaminda tin e tres blòki chikitu nan riba otro (dots) nos ta klik riba e dots nan aki I selektra SSH Settings :
I lo sali un opshon pa nos jena nos computer board su ip adrès, nos ta jena e ip adrès di Tailscale kual ta 100.91.143.58, e port pa SSH semper ta keda 22, i primi na ok, awor nos ta bolbe klik na e dots Nan i skohe Connect :
Ta sali e opshon di login as, i nos ta jena nos usario di e computer board ku nos a traha den e post part #1, den mi kaso e ta Daniel :
I natural e ta pidi un password, na momentu ku nos jena nos password korekto, nos lo por login riba nos computer board/server sin problema i hasiendo uso di e VPN tunnel di Tailscale :
********************************************
E metodo aki ta un di método nan di mas sigur ku tin ku nos por husa pa haña akseso riba nos computer board/server miéntras ku nos no ta riba nos network local.
*******************************************
Si e post aki no tabata bon splika sufisiente, sinti bo liber pa tuma kontakto ku mi via di WhatsApp na +59996640384 .
Un danki un bia mas pa a tuma bo tempu i lesa mi pòst, i siña algu nobo un biaha mas.
