Lès di Fotografia na Papiamentu parti 1!
Bon bini! E siguiente post aki mi ta dedik’é na TUR persona ku tin e pashon
pa fotografia (ku tin un kámara digital DSRL òf un advanced point and shoot) na e parti mas abou lo tin e link pa download e PDF file ku mi a publiká. Mi ta garantisá bo ku si bo tuma djis 15 pa 20 minüt so di bo tempu bo LO TA un fotógrafo ku mas eksperensia i lo tin mas siguransa/konfiansa den BO MES i den bo kámara!
Dikon mi a skibi e artíkulo aki?
Mi pashon pa fotografia a lanta un par di aña pasa, e ten ei mi no tabata por a kumpra un kámara (DSRL) ainda
, mi tabata usa mi telefon (smartphone) su kámara ku segun aña nan ta pasa a bira basta avansá i ta ofresé bastante opshon nan interesante i great, pero no por a para banda di un kámara (DSRL) tòg! Segun aña nan ta pasa mi a sera konosí ku persona nan ku si tabata den e mundu di fotografia kaba, mi a logra fia i tèst sierto kámara nan great ku nan ta tin. No a dura largu despues ku mas mi gana a krese den mi pa tin mi mes kámara avansá, mi spar i a logra kumpra mi promé kámara digital marka “Canon” i mi promé lèns tabata un marka Hapones “Yongnuo” ku wèl pa ta sinsero NO ta durami masha luna....ku mi MESTER a bolbe saka sèn i kumpra un lèns original di Canon mes! (Ma siña mi lès bon SIÑÁ!) Dikon mi ke duna boso e tep nan aki?
Ami personal mente ta kere, ku p’abo mes siña algu i komprondé shen porshento, bo mester siña un hende bek loke bo a kapta. Mi a dura sigur henter un aña ta research i buska informashon nan online i wak diferente video i lesa diferente buki digital online.
I mi sa ku no ta tur persona tin e modo pa paga pa bai un kurso/opleiding pa por siña sikiera e básiko nan di fotografia, i den e PDF ku bo lo download, mi ta ofresé bo tur e informashon nan básiko ku bo mester sa pa kuminsá bo karera den e bunita hòbi aki kompletamente GRÁTIS!
No laga ningun hende diskurashabo! Si bo no ta hañando un shot/potrèt bon, no prekupá! A dura mi mes basta largu pa por a sikiera komprondé kiko tur mi kámara ta ofresé i pa despues mi logra saka sikiera 1 pa 2 potrèt bunita i úniko. Sali kas ku bo kámara, opservá e mundu rondó di bo, tin asina hopi oportunidat pa bo haña un potrèt úniko, ku bo no por imaginábu! NO GIVE UP!