DNS (Domain Name System) kiko esaki ta? I kon esaki ta funshona?

Laga nos wak e paginá web di Google of Facebook, ta paginá nan ku nos ta hasi uso di nan tur dia! Pa subi e paginá nan aki, den nos browser nos ta skibi www.google.com i www.facebook.com tòg?

 Awèl en realidat e adrèsnan aki ta kompletamente den un format di IP dus Google su adrès ku nos kòmpiuter ta kompronde ta 142.250.64.196 sí bo type e IP adrès aki den bo browser bo ta mira ku ta Google su paginá mes ta habri. 

Pero imaginá bo ku kada website nos mester para kòrda tur e number nan aki, e ta bira algu ménos plasentero sigur! Dus aki nos DNS ku ta nifiká Domain Name System ta bin hasi nos bida super mas fásil! Loke e DNS aki ta hasi ta lo siguiente, un domain name ku ta kualifiká (FQDN) un domain kualifiká ta por ta e .com ku .net ku nos konosé, esaki nan nos ta jama first level of top level domains of tambe root level domains den nos Kòmpiuter su sistema tin un DNS manager, e root level domains nan aki jama "root hints" den e DNS manager, nos por mira esaki na e imágen ilustrá abou, no preokupá pa e settings nan aki pa awoki, lo mi publiká un artíkulo separa kon pa traha ku e DNS manager aki, pa awoki ta importante pa sa kon e DNS ta kome i bebe.

 Natural tin second ku third level domain tambe p.e. ebay.co.uk por wak e plachi ilustrá abou pa tin un ideá.

p.e. www.franceessolutions.info su ip adrès ku ta 172.217.8.83 i e DNS server ta bind e ku e adrès ku nos por lesa i keda kòrda mas fásil ku ta franceessolutions.info dus e DNS server por resolvé e ip adrès ku ta e domain name www.franceessolutions.info. 

Awor laga nos ban wak e dos definishonnan di DNS e promé ta "Recursive" esaki ta e método ku bo Kòmpiuter (ku nos lo jama nos DNS client awoki) ta papia ku e DNS server ku ta locally/lokal instalá riba nos Kòmpiuter/DNS client kaba! (Sí tur kòmpiuter ta bin ku nan mes DNS server lokal instalá den e sistema operativo kaba.) Ku Recursive mode, ta dos opshon so e DNS lokal aki ta ofresé, manera nos mira riba e imágen ilustrá ariba, sí e tin e ip di e adrès of sí e no konosé e ip di e adrès, simpel asina! Tur paginá web ku nos subi nos local DNS server ta check sí e tin e adrès ku nos por lesa su IP number ta den nos Kòmpiuter su cache file of den nos host file i ta warda esaki nan pa un sierto tempu ya e siguiente bes ku bo bishitá e mesun paginá web aki e proseso lo bai muchu mas lihé, pero bo lo ta puntra bo mes, awor sí bo kòmpiuter ta nobo nobo, e DNS local natural mente lo no tin kasi niun datos aden tòg? Korekto i aki nos ta bin dal na e di dos definishon di DNS ku ta "iterative" of tambe non-recursive, e modo aki ta laga nos DNS server lokal papia ku otro DNS server nan ku tin riba internet plama rònt mundu, sí un di e DNS server nan riba internet aki tòg no konosé e adrès su ip, e ta loop pa un otro DNS server te ora ku un di e miles DNS server nan aki logra haña e ip korekto pa e adrès ku nos a type den nos web browser (e tarea aki ta wordu hasi den microseconds) dus no ta algu ku nos ta paga tinu mes ariba, pero sí ta bon pa sa e importansia di un DNS server, sin e DNS server nan aki, e internet ku nos konosé ku e .com of .net domain nan lo no por a funshoná optimal!

Dus nos por bisa ku DNS ta mane un buki di telefòn pero pa adrès nan ku tin riba internet.