Esaki no ta un di mi artíkulo nan di kustumber, e ta mas un logro personal ku mi ke kompartí ku bosnan ku semper ta lesa mi artíkulo nan.



Un tiki background di mi mes, mi ta un persona basta tech-savy riba mi mes, pero nunka mi no a bai studia den e sektor di ICT, prèt ta mi a studia den e sektor di kuido/zorg dus mi tabata un broeder (male nurse) pero semper den mi e pashon pa teknologia tabata keda krese kada bes mas hopi, pero mi no tabata bon den sierto vak nan ku nan ta duna huntu ku ICT na e skolnan lokal, prinsipalmente wiskunde/matemátika (i mayoria skol tabata duna bo e impreshon ku sí bo no ta BON den e vaknan aki, lo bo no jega masha lue den e area di ICT) i ademas e materialnan ku e skol nan ta besig ta duna aki ta hopi outdated! Dus bo lo NO bai tin un fundeshi sólido i di updated pa por drenta den e industria/mundu di ICT/IT. (Mi ta papiando di sierto SBO nan pa ta eksakto).

I aki nan mi a kumisa buska otro alternátiva pa tòg wòrdu diploma of sertifiká den e area di IT aki, i mi a bin dal den CompTIA i tur nan diferente kurso nan i sertifikashon nan ku tin balor rònt mundu! 


I e parti mas great ta, bo ta hasi bo estudio na bo tèmpo na kas trankil, asta bo eksámen bo tin opshon pa hasi esaki na kas! Ta kon fásil mas bo ke pa esaki ta? 




Laga nos ban sa kiko CompTIA ta, i kon rekonosé nan sertifikado nan ta.



CompTIA ta para pa "The Computing Technology Industry Association" ku ta un asosiashon merikano ku a wòrdu lansa na aña 1982, CompTIA su sertifikado nan ta un di esnan mas respetá i bon mira mundial mente den e industria profeshonal di ICT. 



CompTIA a diseñá su kurso nan ku 4 diferente area spesífiko, pero pa e artíkulo akí no bira masha largu, nos ta bai menshoná solamente e promé area. CompTIA ta kumisa ku e "sertifikashonnan core" ku ta diseñá pa traha un fundeshi sólido pa tur persona ku ke drenta den e industria profeshonal di ICT, e sertifikashon nan core aki ta enserá di CompTIA A+, CompTIA Network+ i tambe CompTIA Security+ ku e tres sertifikado nan aki, of asta ku solamente un so di nan, bo por ta garantisá di tin un abilidat i fundeshi di updated i fuerte pa dal bo promé stap den e industria profeshonal di ICT.



CompTIA A+ en general ta e pasashi di oro pa un tékniko di IT i pa un bon rason, e A+ ta diseñá pa bo por haña in trabou den e front line den e industria p.e. un helpdesk agent, IT support. E A+ ta siña bo e general tur e nuebe (9) punto nan aki ; 




I e punto mas great ta ku segun CompTIA tin mas ku un mion IT professionals ku tin nan sertifikado A+, sí bo ke tra komo service technician pa kompania nan grandi manera Dell, Intel, HP e ta un MESTER! E A+ ta rekonosé asta serka U.S. su Department of Defense *klik aki pa bai na link di e informashon aki*, dus aki kaba bo ta mira e balor inmenso di solamente sertifikado A+ aki.




Pa bo logra tin e sertifikado aki, bo ta rekerí pa pasa dos (2) examen, Core 1 (220 - 1001) plus Core 2 (220 - 1002).



Core 1 ta bai focus mas riba virtualization, cloud computing, mobile devices, hardware, networking technology i troubleshooting.

I core 2 ta bai focus riba riba installation and configuring operating systems, troubleshoot software, operational procedures and Security.

Dus manera bo mes por lesa, e A+ aki lo duna bo di tur untiki! Ami personal a hasi mi core 1 i e core 2 apénas un siman for di otro, ku ta suma mente riskante!



 Den un otro artíkulo lo mi skibi un guia detayadamente kon mi a studia pa por logra haña e sertifikado aki, ku kisas lo ta un starting point pa abo ku tambe lo ke pasa e examen nan aki den futuro.


Awor bo ta puntra bo mes, e sertifikashon aki ta "worth it"? 




Straight to the point ; SÍ! I SÍ! Paso e ta un sertifikado ku un balor "international"! Dus rònt mundu e sertifikado aki tin su balor! 

Keda pendiente pa mi siguiente artíkulo ku lo duna bo un guiá mas "in detayes" kon mi estudio mes a bai pa e core 1 plus core 2 exam. 


Mi ta spera ku e artíkulo akí por a duna abo ku ta besig ta lesa un boost pa dal e stap pa ta un IT sertifiká na nivel international!