E post/artíkulo aki ta dediká pa tur mayornan ku tin yu(nan) na kas ku ta drùk besig riba nan tabket/smartphone of laptop konstante mente, I abo komo mayor ke tin untiki seguridat ku e yu no ta besig ta ta haña akseso na site nan maligno òf ku nan ta besig ta tuma demasiado tempu riba nan smart device nan.


Promé ku nos kumisa, mi lo bai splika kiko un DNS ta nifiká I kiko esaki su funshon ta, DNS ta para pa Domain Name System, nos a kustuma ku ora nos ta bishitá un website nos ta kumisa type www i despues hinka e nòmber di e site i terminá esaki ku .com of .net, P.E. www.youtube.com of asta ora nos ta subi online banking di Banco di Caribe nos ta type www.bancodicaribeonline.com pa nos por aksesa esaki manera ta kustumbrá.


Esaki ta posibel danki na e servisio di DNS, paso en realidat tur e nòmber di e site nan ku nos ta type i keda kòrda fásil aki ta address nan den formato di "ip" p.e. www.bancodicaribeonline.com ta e sigiente ip address 190.4.153.193 i si bo type e ip address aki den bo browser aworaki bo lo ripara ku ta Banco di Caribe su paginá lo load/habri.

Dus DNS su trabou en general ta pa link tur e site nan aki su ip address na un address ku nos por lesa i keda kòrda, imaginá bo si nos mester a keda kòrda diferente ip address pa kada un site ku nos mester bishitá, internet lo tabata un pko mas kompliká pa husa, dus DNS ta fasilitá mis bida untiki!

Nos por hasi un test fásil i lihé pa nos mira I kompronde esaki untiki mas, riba nos kòmpiuter of laptop, nos por primi e Windows logo plus e letter "R" I lo aparesé un run command window.

Nos lo type e sigiente komando aki tracert www.bancodicaribeonline.com i primi enter, i nos lo mira lo siguiente aparesé ;


No preokupá ku tur e demas ip address nan ku lo sali, den un siguiente blog post lo mi splika esaki nan. Pero pa aworaki nos ta bai focus riba e trabou básiko di DNS. Pa nos stop e komando di tracert aki, nos ta Dus nos por bisa ku DNS ta manera un buki di telefòn pero pa e address nan ku nos ta husa pa aksesa nos site nan faborito riba Internet primi Ctrl ku e letter "C" i e komando lo stòp. 


Dus nos por bisa ku DNS ta manera un buki di telefòn pero pa e address nan ku nos ta husa pa aksesa nos site nan faborito riba Internet. 


Awor ku nos ta kompronde kon DNS ta funshoná riba un nivel básiko, nos por sigui ku NextDNS, laga nos ban subi riba e site di NextDNS ku ta www.nextdns.io of klik aki nan.

Nos lo mira e siguiente paginá habri :

Laga nos klik riba kaminda ta bisa "Try it now" :

I nos mester sign up/registrá pa por hasi uso di e servisio, nos mester jena nos E-mail i password :

I despues nos lo por login in normal, na momentu ku nos logra log in, nos lo mira e siguiente paginá :

Nos promé stap nos ta bai klik riba link IP, pa asina NextDNS por link na nos public ip address, kiko ta un public ip address? Laga nos pone asinaki, kada persona ku tin un e servisio di Internet serka Flow, e modem/box pretu of blanku di Flow ku ta instalá den kas ta haña un ip address úniko, ta via e ip address úniko aki, nos por konektá ku sobra site nan riba Internet.

Ora nos logra linked e NextDNS ku nos Public ip, nos lo mira nos ip address aparesé ku un checkmark kolo berde su tras, paga tinu pa NO kompartí e ip address aki ningun persona!

Awor na e parti untiki mas ariba di nos linked ip, nos ta mira nos DNS Servers ku ta dos ip address, e dos ip address nan aki nos lo mester konfigura/setup den nos yu(nan) su tablet of otro smart device.

****Laga nos paga tinu riba e aviso ku nos ta mira na e parti riba nos DNS Servers****

Na e lastu frase, e ta bisa nos "This is mostly for use on home networks and not recommended on mobile"

Dus pa e servisio aki funshoná optimal, tur e device nan mester ta riba e mesun WiFi network na kas, i no riba mobile data, riba mobile data nan no garantisá ku e lo keda funshoná manera mester ta.

Pa konfigura nos tablet of otro smart device nan pa husa NextDNS lo mi mustra esaki ku un Amazon Fire 7, pa bo marka/model di tablet por Google kon pa edit e DNS option di e device spesífiko.

Nos mester lokalisá nos settings menu riba e tablet : 
Skohe Internet pa nos haña akseso na e settings di WiFi di e tablet : 
Nos ta selektá e nòmber di e WiFi ku e tabket ta konektá ariba kaba. 
Lo sali un lista di tur e señal nan di WiFi ku ta den serkania di e tablet, tambe nos ta mira e WiFi ku e tablet ta di konekta ariba kaba dus nos ta mira "connected" aparesé huntu ku e nòmber di e WiFi. Nos ta primi riba e icon di e gear kaminda mi dede ta besig ta mustra. 
Na momentu ku nos primi riba e gear icon aki, ta sali mas opshon, nos ta primi riba e icon den forms di un pòtlot, kaminda mi dede ta ilustrá riba e imágen mas abou :

Awor ta sali e opshon pa jena nos WiFi password atrobe, nos ta jena esaki, I nos ta klik na Advanced options : 


Nos ta scroll bai untiki mas abou, te na kaminda ku nos ta mira DNS servers of DNS 1 ku 2 : 


Nos ta klik riba DNS 1 pa por jena nos DNS address di NextDNS, nos ta jena tur dos e address nan aki, na DNS 1 i tambe DNS 2. 


Na momento ku nos kaba di jena nos DNS 1 ku 2 tin tablet/smart device lo pidi pa jena un static ip address, nos por jena un ip address manera 192.168.1.60, mi ta asumí ku abo ku ta besig ta lesa e post aki no a jega di mishi ku settings di bo modem di Flow, dus e addres ku mi a skirbi ariba lo funshoná sin problema.

Den mi kaso mi a jena un ip address ku ta 192.168.1.40, I despues ta primi save, pa e tablet warda e informashon aki.

I asina e tablet aki lo kumisa husa nos account di NextDNS, dus nos lo bai tin kontrol riba e buki di telefòn ku e tablet lo bai husa pa akseso website riba internet.

Awor e parti great ta bai kumisa, unabes ku nos tabket ta di setup ku NextDNS, nos por ban tira un bista atrobe riba nos paginá habri kaba di NextDNS :

Pa mantené e artíkulo aki kòrtiku, nos ta ban focus riba e opshon di parental control so pa awoki, den un otro artíkulo lo mi dive in riba e otro settings nan, laga nos klik riba parental control, lo aparesé un lista di opshon ; 

Aki nos por mira Websites, Apps i tambe wega nan ku nos por blòkia ya asina e mucha nan no por haña akseso na esaki nan :
Tambe por klik riba "add a website, app or game"
 pa nos mes por hinka un address di un website ku nos no ke pa e mucha por haña akseso na dje, laga nos klik ariba pa wak e lista ku lo wòrdu generá pa nos :

Nos mira mayoria site i apps nan popular ku lo por wòrdu blòkia, hopi interesante no? Laga nos wak kiko tur mas tin pre-instala kaba den e lista aki : 

Dus asina mes, nos por asta blòkia e yu pa e no por haña akseso ku su PlayStation si akaso e tin un PlayStation, i ta gasta muchu tempu ariba, of abo komo mayor ke tin kontrol riba e tempu di uso aki. 

Nos por simple mente skohe e opshon di ADD un di e app/site nan aki, i e servisio di NextDNS lo kumisa filtra esaki, ya e tablet/smart device no por tin akseso pa esaki mas (tene na kuenta ku e proseso por tarda algun minüt pa kumisa hasi efektonan). 

Pa tèst out e opshon nan, mi a blòkia e siguiente servisio nan : 

Si mi kue e tablet i purba subi e site di Netflix, esaki lo no funshoná : 





Tambe ta konta meskos pa tur sobra site riba e lista ku NextDNS ta ofresé. 

****Tene na kuenta ku e aplikashon mobil di e site nan aki si tin akseso ainda normal pa ku Internet, den mi siguiente artíkulo lo mi splika kon pa blòkia e aplikashon nan aki tambe ku NextDNS.****

Ora nos kaba di add un website mas, nos por será e lista aki na momentu ku nos primi riba e krus mas ariba : 

I si nos sigui scroll bai mas abou, nos lo mira mas opshon ku NextDNS ta ofresé : 

Dus manera bo mes ta mira aki, nos tin un kontrol bastante great pa skohe kua site nos yunan por aksesa riba nan tablet of sobra smartdevice nan. 

Na momentu ku bo ke duna e tablet/smartdevice akseso na e website bek, simplemente klik riba e icon blou i esaki lo bira shinishi : 


***por dura algun minüt pa bo por tin akseso bek na e website nan aki***

Mi ta spera ku e blog post aki tabata duidelijk skirbi, i ku bo a siña algu nobo awe, si bo tin pregunta, sinti bo liber pa manda mi WhatsApp message na +59996640384 i lo mi purba na juda bo ku bo pregunta(nan).

Keda pendiente pa e siguiente follow up post di NextDNS!