Nos a kaba di disfrutá di e unboxing, awor nos ta ban wak kon ta kumisa traha ku e Flipper Zero aki, kon pa konektá esaki ku bo kòmpiuter of laptop, kon pa update esaki i tambe kon pa konektá esaki ku bo telefòn/smartphone bia Bluetooth.

E artíkulo aki lo ta untiki largu, i ta rekerí pa bo lesa i sigui e stap nan ku mi ta menshoná stap-pa-stap, na final di e post aki bo Flipper Zero lo ta di updated i bo lo por por traha ku esaki via bo telefòn.

Na momentu ku bo habri e flipper zero su kaha bo ta mira skirbi "firmware update"

I tambe un url/link pa nos por subi pa download e software ofisial di Flipper Zero riba nos kòmpiuter of laptop, laga nos ban hasi esei aworaki.

Na momentu ku nos subi e site riba nos kòmpiuter/laptop nos lo mira e sigiente site aparesé, i nos por klik riba kaminda tin skirbí "Download Flipper" (mi ta asumí ku abo ku ta lesando yes artíkulo ta besig ta husa un kòmpiuter/laptop ku e sistema operativo Windows 7 òf un vershon mas haltu), lo mi publiká ku un otro artíkulo pa kon instalá e Flipper Zero software riba e sistema operativo macOS di Apple tambe. 






Na momentu ku nos download e Flipper software aki, nos ta instalá esaki, i despues nos ta open/run e software aki, i nos lo mira un splash screen aparesé Ku ta bisa nos "connect your flipper"


Konektá e USB-C na bo kòmpiuter/laptop i konektá esaki na bo Flipper Zero 


Nos ta tuma nota ku un led light kolo kòrá ta sende riba e Flipper Zero, i riba nos kòmpiuter/laptop nos ta mira algun informashon di e Flipper Zero ku a wòrdu konektá 


Nos por mira ku na e momentu aki mi tin un firmware ku jama "UNLSHD-042N" esei ta debí ku mi tabata husa e Flipper Zero aki pa un par di dia, i mi a instalá un sistema modifiká ariba, pero na momentu ku mi instalá e sigiente software update ku nos ta mira na berde ku ta bisa "Release 0.81.1" bo lo mira loke nos mester mira original mente na momentu ku konektá un flipper zero nobo for di den kaha na bo kompuiter/laptop. 

Mi ta bai laga e software Flipper update  Flipper Zero awor 


Na momentu ku nos klik riba install ta bolbe sali un konfirmashon pa bo klik riba update, i manera nos klik riba update nos por mira ku masha lihé mes e softwate ta kumisa update nos flipper zero. 


Nos por mira riba e pantaña di e Flipper zero tambe "updating" ta aparesé, i tambe mas informashon ku por sali. 

Na momentu ku e bará di progreso di e updating terminá nos por mira ku e flipper lo avisá nos esaki riba su pantaña. 




Na momentu ku nos mira "firmware update success"  i tambe nos por mira ku awor si mi qFlipper software ta bisa na firmware e vershon original ku no ta modifiká, awor nos por deskonektá esaki for di nos kòmpiuter/laptop.

 

Awor e parti di update nos flipper zero a terminá, e tabata fásil tòg? 

Awor nos ta bai pa pair e flipper zero ku nos telefòn/smartphone, pa nos kumisa ku esaki, nos mester kumisa na sende e flipper zero su Bluetooth den settings. 

Nos primi e boton mei mei di nos flipper zero, ilustrá na e potret parti abou :


Nos ta mira e menu di nos flipper zero aparesé, nos ta klik ariba bai nos selektá settings, na momentu ku nos selektá settings nos ta bolbe pirmi e boton mei mei pa por drenta den e settings options : 



Nos por mira ku e PROMÉ opshon den settings ta Bluetooth mes, fásil no? 

Nos ta primi e boton mei mei atrobe pa selektá e opshon di Bluetooth :


Nos ta mira ku e Bluetooth ta paga, pa sende esaki nos ta primi e keypad den e direkshon ku e menu ta indiká nos :


I na e momentu ey, e Bluetooth ta wòrdu sende, i nos por primi e boton di "back" pa nos por sali for di e menu di settings. 



Awor nos ta ban riba nos telefon/smartphone, mi mes persona ta husa un Samsung Galaxy S22 (base model), dus den Google Play store mi ta search "flipper" i lo mi mira e aplikashon aparesé pa mi por instala esaki :



Mi ta primi na "install" i e aplikashon aki lo instalá riba mi smartphone den algun sekònde :


Na momentu ku e instalashon terminá, nos por habri esaki, i nos lo mira e siguiente aparesé : 


Ya komo nos a sende e Bluetooth riba nos flipper kaba, nos ta simplemente primi riba connect awor : 


Bolbe selektá connect i nos lo mira e siguiente screen aparesé :


I asina fásil nos a logra konektá nos flipper zero riba nos telefòn/smartphone! 


Den un sigiente artíkulo lo mi pasa riba tur e opshon nan ku e aplikashon móbil di e Flipper zero ta ofresé, si no e artíkulo aki ta bira muchu hopi pa lesá. 

Si bo tin kualke preguntanan ku bo ke hasi mi di e Flipper Zero aki, sinti bo liber pa manda mi un whatsapp na +59996640384. 



Keda pendiente pa mi siguiente artíkulo di e Flipper Zero!!