Bitcoin/Crypto wallet informashon detayá!

Den mi post anterior nos a lesa i siña kiko ta Bitcoin, mi a menshoná tambe tokante e Bitcoin/Cryptocurrency wallet ku mester wòrdu husa, pero mi no a bai den masha detayes, ku e post aki nos lo bai siña untiki mas tokante e wallet nan aki.

Laga nos mira un wallet komo un manera pa tin interakshon ku e blockchain network (kaminda nos bitcoin en general ta), nos tin tres (3) diferente tipo di Cryptocurrency wallet i dependé kon nan ta funshoná nos ta jama nan un cold wallet of un hot wallet, e por ta zona untiki kompliká kaba, pero no preokupá, lo mi splika tur tres detayadamente stap pa stap..

Nos Cryptocurrency wallet no ta warda nos bitcoin aden, loke nos wallet ta hasi ta konektá i papia ku e blockchain network i ta bisa e network ku e usario aki tin tal i tal Bitcoin, den e kòmbersashon aki nos wallet ta duna e blockchain network un yabi/key, nos tin dos (2) diferente yabi ku ta wòrdu husa....

Laga nos kumisa ku e "public  key" manera e nòmber mes ta bisa esaki ta e yabi públiko ku ta nos adrès di nos Wallet ku por ta algu paresido na

si tur e lèter nan ku sifranan bruá den otro ey ta nos Bitcoin wallet su adrès i tambe jama nos "public key" laga nos bisa e ta nos account/ number di banko, semper nos public key adrès ta kumisa ku e sifra "1"....e public key aki ta wòrdu generá automatika mente ora nos download i set up un software side wallet of konektá un hardware wallet na nos computer.

Nos "private key" ta e manera pa nos por identifiká ku nos ta e doño di e wallet, ku nos por haña akseso na e Bitcoin nan den e wallet pa por manda nan pa un otro persona su wallet, e adrès di nos private key semper ta kumisa ku un sifra "5", loke ta úniko di e private key aki ta ku e ta kambia ku kada transakshon.

Si bo NO a kompronde e detayenan tokante e wallet su private ku public key, no preokupá, basta bo tene bo smartphone ku bo wallet ta instalá ariba safe, lo bo no mester preokupá.

Pero sa si ku e yabi nan aki ta krusial pa bo tin bo bitcoin nan, sin nan e wallet no sa kiko e mester papia ku e blockchain network! E blockchain network NO ta warda ningun di e yabi nan aki, tur dos di e yabi nan aki ta wòrdu warda den e software di e wallet mes riba bo smartphone òf computer.

Ban wak e diferensia awor entre un cold i un hot wallet, un hot wallet ta un wallet ku ta konektá ku Internet di un manera òf otro, dus nos software wallet riba nos smartphone ta un hot wallet. E wallet nan aki ta fásil pa download i set up, i ta wòrdu husa pa mas persona mas frekuente, i ta great pa site nan ku ta trade i paga ku Bitcoin p.e. FX success.

Cold wallets NO tin konekshon ku Internet, nan ta un hardware wallet p.e. un USB wallet ku bo mester konektá na bo computer of laptop, cold wallets ta super mas safe kontra di hacking, nan ta wòrdu husa mas serka investors of kompania nan ku ta hold montante nan grandi di Bitcoin!

Hardware wallets aunke nan ta mas sigurá pa warda bo bitcoin of otro Cryptocurrency aden nan ta untiki mas kompliká pa set up, I ta wòrdu usa solamente pa warda montante nan GRANDI di Cryptocurrency, òf serka holders ku ta kompania nan ku ta kumpra I warda Cryptocurrency.

Un hardware wallet ta kosta entre 50$ pa 150$.

Software wallet ta tur wallet ku nos mester download riba nos computer of smartphone, smartphone wallet nan ta asina bon i fásil pa traha kune ku bo lo no mester hasi uso di un computer of laptop mes.

Den nos app store riba nos smartphone nos por download un software wallet fásil pa set up! Search pa "Bitcoin wallet" i lo sali un lista ku bastante opshon. Ami personal ta usa e bitcoin wallet di coinbox.org

Un paper wallet ta ta un alternátiva pa un cold wallet, ku ta untiki mas segura.

Manera nos por mira na e imágen nan ariba, mi no a logra haña un paper wallet riba amazon pa kumpra. E paper wallet ta keda na kada persona si nan ke huse of no.

Na final ta keda na e usario si e ta skohe pa husa un hardware wallet of un software wallet, un hot of cold wallet. Mira e wallet komo bo manera pa interkambiá ku e blockchain network, pa manda i risibí bo cryptocurrencies.