E artíkulo aki sigur lo ta un interesante pa basta persona, ku torrent downloads bo por download kasi TUR KOS KU BO TA DESEÁ riba Internet. Pero tene na kuenta ku e proseso aki na sierto pais/region ta wòrdu konsiderá un akto inlegal.

Lo mi bai siña bo kon pa download p.e. tv series husando solamente e torrent file i dimes e torrent client ku bo mester instala riba bo smartphone.


Pa kumisa laga mi splika kiko ta un torrent file, bo por mira un torrent file manera un note file ku ta kontené ip adrès i informashon di e data/file ku bo ke download, PERO e torrent file aki mester a wòrdu di upload via un persona ku ta desea di kompartí e data/file aki pa asina nos por download e data/file desea via di e torrent file, I na momentu ku nos torrent client husa e torrent file aki su informashonnan e torrent client lo buska rònt internet unda mas e file nan ku ta klop ku e torrent file ta situá (dus e ta wak e persona ku a upload e data/file original i TAMBE SI TIN MAS PERSONA KU A DOWNLOAD ESAKI KABA KU TAMBE TA JUDA KOMPARTÍ PARTI DI E DATA/FILE), i asina bo por download bo data/file sin problema, bo por mire komo un konekshon ku vários persona mas su kòmpiuter ku tambe a download e mesun data/file aki, i ta komparti esaki ku demas persona via e torrent client.
Dus aki bo por kompronde untiki kaba dikon via torrent bo lo por download file nan inlegal of file nan ku ta kontené Virus.

Laga nos kumisa na download un torrent client riba nos smartphone, den mi kaso mi ta husa un Andriod smartphone, dus mi lo hasi e demostrashon aki ku Google Play store : 


Na momentu ku habri Google Play Store, search pa e palabra "torrent" i lo sali HOPI opshon, pero nos ta skohe uTorrent i laga esaki instalá :


Na momentu ku uTorrent terminá di instalá, nos por habri esaki i nos lo mira e sigiente interface :


Si e aplikashon pidi bo pa dune pèrmit pa aksesa bo location, nos por allow esaki. 


Nos por mira ku e app ta relativá mente simpel, aktual nos no tin ningun torrent file aden ainda, awor mi ta bai laga bo será konosí ku un torrent site ku su spesialidat ta pa ofresé tv series di updated. 


E site aki jama EZTV, e ta un di e torrent download site nan mas famoso husa rònt mundu pa simplemente download tv series. 

Pa nos haña akseso na e site aki nos ta simplemente habri nos smartphone su internet browser (preferibel Google Chrome) i type den e adrès bar/URL e sigiente adrès 

https://eztv.re/

I lo bo mira un site similar na e screenshot ku mi a pone aki habri : 


Na e parti ariba nos por mira un search bar kaminda nos por type i buska riba e site kualke tv series desea, i na kada torrent file riba e site nos por mira un icon di un magnet i size di e file i fecha ku e file  a wòrdu di upload riba e site, i lastu nos ta mira sierto sifra na e kolo berde tambe, PAGA TINU e sifra nan aki ta IMPORTANTE! E SIFRA AKI TA INDIKÁ NOS KUANTU PERSONA MAS A DOWNLOAD E FILE AKI KABA I KU TA BESIG TA KOMPARTI ESAKI, MAS HALTU E SIFRA AKI TA, MAS LIHÉ NOS DOWNLOAD POR TERMINÁ :



Awor pa nos download un di e torrent file nan aki, nos ta simplemente primi riba e icon den forma di un magnet i automatika mente uTorrent lo detektá esaki i ta duna nos un pop up paresido (den mi kaso mi a download e TV series ku jama "From") :




Na momentu ku bo primi riba e magnet e por puntra bo pa "open with" simplemente skohe uTorrent i selektá Always, i uTorrent lo habri :


I e torrent file ta duna uTorrent sobra informashon i uTorrent ta kumisa download e file aki pa nos, den mi kaso e video file di e tv series "From" i na momentu ku e torrent file terminá di download nos por simplemente klik ariba : 


Nos por mira ku e file ta 100% di download i laga nos klik ariba : 


I nos por mira e video file den e format ku ta .mkv i si nos klik riba esaki awor, e video playback lo kumisa : 


I asina fásil nos a download nos promé TV series hasiendo uso di un Torrent file via di un Torrent client. 

*****Mi tin ku avisá ku e uTorrent client plus e site Eztv.re ta hasi uso di HOPI pop-up Ad's dus propoganda nan ku por bira untiki fèrfelu tin bes.*****


Kada persona ta responsabel di loke nan skohe pa download via di un torrent client of website ku ta ofresé torrent downloads.