Mi eksperensia ku CompTIA su sertifikashon di Network+. E tin su balor?

Sinta na trabou mardugá (si, night shift) e idea aki a presentá den mi kabes, mi di ok laga mi skirbi un artíkulo kòrtiku di un di e sertifikashon di CompTIA ku ta e Network+. Algun tempu pasa mi a skirbi un artíkulo kaba di mi sertifikashon  CompTIA A+, si bo no a lesa esaki, sinti bo liber pa check it out na e sigiente link mi eksperensia ku CompTIA A+ den e artíkulo di e A+ mi a skirbi untiki tokante CompTIA mes tambe, dus nos lo no pasa riba esei mas den e artíkulo aki.

Bon laga nos ban stret na e punto prinsipal pa e artíkulo aki no bira muchu largu, un di e pregunta nan ku sigur un persona interesá den e sertifikashon aki :

- Bo por haña trabou ku e sertifikashon aki na Kòrsou? I pa mi kontesta bo sinseramente, hopi lugá pa duru ku e por bai zona, no tin konosé mentu di e tipo sertifikashon na nivel internashonal aki, mi tin e impreshon ku hopi departamento di HR ta mira e sertifikashon nan di CompTIA manera ta un sertifikashon di partisipashon ku bo ta haña p.e. 

na momentu ku bo bai un kurso di un par di siman na easy computer Curaçao, dus aki bo tin un idea kaba di loke mi ke trese dilanti. 

Ami personal mente ku e sertifikashon di Network+ aki a logra haña un trabou na un data center lokal, pa privasidat mi no ta menshoná e nòmber, pero esaki ta paso e data center aki SI ta mira e balor di e sertifikashon aki, i ta rekerí pa tur e trahadó nan den area di networking saká nan sertifikashon di CompTIA, awor e parti mas prèt i straño pa ami ta, dikon un data center si ta mira balor di un sertifikashon mas lihé ku kualke otro impresa/negoshi ku ta besig ta buska un IT specialist of Network engineer? Lástima mente mi mes no tin kontesta pa e pregunta aki. 

Dus si ta pa un trabou den e area di IT bo ke haña ku e sertifikashon aki SO riba nos dushi isla, mi ta konsehá bo buska algu untiki mas haltu, manera kiko asina? Mi lo konsehá bo pa tira un bista riba Cisco su sertifikashon CCNA, ku e sertifikashon aki si bo lo trèk hopi atenshon riba bo CV/Karta di solisitutnan.

 Awor bo por ta untiki konfundí, dikon bo mes ku tin e sertifikashon di CompTIA Network+ ta besig ta halsa un otro sertifikashon? Paso esaki ta simplemente e bèrdat, e CompTIA Network+ ta un bon sertifikashon pa bo kuminsá hinka bo pia den e area di un IT specialist of Network engineer, pero si bo ke ta un network engineer egt spesialisá i mas profundu den e mundu di networking esaki Cisco su sertifikashon CCNA ta ofresé bo. I ademas esaki ta un konseho di CompTIA mes riba na propio site : 

Dus nos por mira e CompTIA Network+ aki manera un trapi pa bo subi i kue bo sertifikashon di Cisco ku ta untiki mas konosí i ku tin untiki mas peso.

Pero no laga e artíkulo aki kita bo vishon pa ta un IT specialist of Network engineer!

E oportunidat pa haña trabou ku e sertifikashon aki ta hopi mas grandi na pais nan afó p.e. Merka ku na Kòrsou, esei ta lógiko tambe. 

Dus na final di e dia, lamentabel mente riba nos dushi isla, e konosose mentu serka mayoria departamentonan HR entre sertifikashon internashonal i sertifikashon di presentashon ta keda un problema, i mi ta spera ku esaki por kambia un dia. 

Mi ta spera ku mi artíkulo por a duna bo untiki klaridat riba e sertifikashon di Network+ ku CompTIA ta ofresé. 

I manera ta di kustumber, un danki pa a tuma bo tempu i lesa mi artíkulo.